Casa Almeida Barreto Espresso - Brasilien

Mir sinn immens frou eis Zesummenaarbecht mat Casa Almeida Barreto weiderzeféieren an auszebauen, eng Familljengutt, déi sech op d’Produktioun vu qualitativ héichwäertegem Specialty-Kaffi a Wäin aus Brasilien konzentréiert a vun där mir zanter dräi Joer eise Kaffi direkt kommen. 

D’Qualitéit vun hirem Kaffi ass an all Probe däitlech ze spieren. No engem Gespréich um Ufank vun eiser Partnerschaft mam Jorge a mam Gabriel hu mir fir d’éischt verstanen, datt dat duerch hiren ëmfaassende Hannergrond an der Önologie, Agronomie a Fermentatiounstechnik méiglech ass, well dëse Gehéift ursprénglech mat der Absicht kaaft gouf, ausschliisslech Wäin ze produzéieren.  

Wéinst den alen a gutt etabléierte Kaffisbëscher, déi et schonn um Gehéift gouf, huet de Gabriel mat senger Famill gemierkt, datt et Schued wier, dës ze verschenken – esou huet hir Rees an d’Kaffisproduktioun ugefaangen. 

Mat engem wëssenschaftlechen an handwierklechen Usaz bei der Produktioun fuerschen si permanent un den Terrainen a entwéckele Methoden, déi all Varietéit nach besser zur Geltung komme loossen an exzellent Resultater um Cupping-Dësch erreechen. 

An de leschte Jore hunn si Fermentatiouns- a Dréchmethoden optiméiert, fir d’Aromen an de Goût vun de Kiirschen nach besser z’erhalen an dobäi ënnerschiddlech Profiller z’erfuerschen. Mat den Edelstolstanken an der Technologie aus de Wäininstallatiounen konnten si d’Fermentatioun vum Kaffi vill besser kontrolléieren an esou ganz interessant Geschmaachsprofiller erausbréngen.

ERNT 2025

"D’Kaffis-Saison 2024/2025 huet eis sécherlech op Trap gehalen. E ongewéinlech waarme an dréche Wanter gouf vu verspriechende Reen am September ofgeléist, mee d’Dréchheet am Oktober – genee um Héichpunkt vun der Bléi – huet d’Befruchtung an domat d’Zuel u Kaffiskiirschen reduzéiert.

Vun November bis Januar ass de Reen zeréckkomm, och wann en nach ëmmer ënner dem Duerchschnëtt louch, an huet gesond Planzen- a Kiischteentwécklung erméiglecht. Am Februar hu mir eis erëm iwwerrasche gelooss vun enger kuerzer dréchener Phase an der kritescher Bounenausbildung, wat zu méi klenge Bounengréissten an e puer ënnerentwéckelte Bounen gefouert huet.

Glécklecherweis hu vun Mäerz bis Juni konstant Reefäll de Buedem nees opgelueden an et de Kulturen erméiglecht sech ze erhuelen. Eis méi héich geleeën Terrainen, mat méi kille Klima an natierlech méi luesen Zyklen, ware manner staark vun der Dréchheet am Februar betraff, an éischte Kéier zanter fënnef Joer huet de Wanter ganz kal Deeg bruecht mat dräi liicht bis mëttel staarke Fraschtdeeg tëscht Juni an August. Zesumme mat sonnege, dréchene Wanterdeeg huet dat ideal Konditioune fir eng méi laang, méi delikat Ernt an e méi séifteen Dréchnen vun de Bounen geschaf.

Obwuel d’Natur an de leschte 12 Méint zimmlech kaprizesch war, konnt eis Equipe um Gehéift
dës Erausfuerderungen ofschwächen an dréinen, sou datt elo ganz spannend
Kaffien op iech waarden. D’Lots vun dësem Joer weisen eng lieweg Säure mat natierlecher Séissheet – Kennzeeche vun eiser Produktioun.

Mir hunn och Innovatioune agefouert: mir hunn mat e bëssen méi fréi Ernte, méi luesen Dréchmethoden an engem méi groussen Undeel u fermentéierte Kaffien experimentéiert. D’Erweiderung vun eise Bëtongspatien huet dozou bäigedroen, d’Effizienz, d’Hygiène an d’allgemeng Konsistenz weider ze verbesseren.

Wéi ëmmer ass et eis Missioun, Kaffien ze liwweren, déi begeeschteren an iwwerraschen, a gläichzäiteg
d’Standarden anzehalen, déi eis Partner erwaarden.

Mir bleiwen dozou verflicht, zouzelauschen, eis ze verbesseren a aussergewéinlech Kaffien ze kreéieren – fir all déi, déi dat Bescht zu schätzen wëssen."

- Casa Almeida Barreto

Wann s du méi iwwer dës aussergewéinlech Produzente wëlls gewuer ginn, da kucks du se am beschten hei un.